美國商店重開 員工卻拒絕冒險返工

唔知大家有無留意香港上星期一單奇聞,一位發燒嘅女士,公司要求佢請病假,但女士堅持要返公司工作,結果最後上司要報警,女士先肯回家休息。好多人都話,香港人係全世界最鍾意返工嘅民族,其實一啲都無錯。

美國疫情雖然嚴重,不過政府慢慢開放唔同州份可以居部復工,包括商店、超市、健康中心等,不過卻面對一個問題,就係唔少員工拒絕回到工作崗位,原因係擔心感染病毒。

好多美國人都話自己唔會為咗份工而去冒險返工,因為目前疫情根本未完全完結,加上政府檢測工作未盡完美,難以保證無隱形患者,所以並唔想返回工作崗位,以確保自身安全。唔少僱主亦明白員工憂慮,表示員工並非軍人,有權選擇工作與否,作為僱主都無辦法確保員工一定可以無風險工作,所以都尊重員工決定。不過又伸延至另一個問題,就係因為呢個原因唔返工嘅職員係無辦法得到政府嘅失業援助金,因為不適用於有工作但唔返嘅市民,睇怕政府都需要諗下方法解決,令市民唔好再擔心呢。

好多美國人都擔心疫情未完結,拒絕重返工作崗位。
好多美國人都擔心疫情未完結,拒絕重返工作崗位。
有唔少商店,例如超市都重新開業。
有唔少商店,例如超市都重新開業。
員工如果有工返但拒絕營業,係不能領取失業援助金。
員工如果有工返但拒絕營業,係不能領取失業援助金。

相關文章:

入境澳洲住隔離酒店-洗一件衫要-20-美金

捷克都有限聚令-可以裸體但唔可無口罩

資源分享平台辦抗疫物資捐贈活動-20-間機構轉贈弱勢社群

【立即讚好】全新 Yahoo 旅遊 Facebook 專頁

Yahoo 旅遊以全新樣貌登場,Facebook 專頁當然同時煥然一新!立即讚好,每日睇盡旅遊新資訊!