張寶兒頭痛揀婚紗

張寶兒穿上透視款婚紗,預演大喜日子。
張寶兒穿上透視款婚紗,預演大喜日子。

袁偉豪和張寶兒拍拖3年已認定對方為終身伴侶,不單聯名買豪宅,「準新娘」更試定婚紗,預演婚禮!不過寶兒自言有「選擇障礙症」,面對琳琅滿目的婚紗心大心細,要試盡所有款式才決定。

拍拖3年的張寶兒和袁偉豪愈愛愈甜蜜,袁偉豪視女友為終身伴侶,早前更公開愛的宣言:「過去3年佢成就我好多,所以我決定未來會成就番佢。」並豪擲7,000萬元聯名買入清水灣一個連花園複式單位及車位,擺明為婚事鋪路,而寶兒更着定婚紗預演婚禮!

困船10粒鐘

昨日她網晒多張充滿時尚感的婚紗照,在遊艇上演繹不同款式的婚紗,Deep V低胸和大露背應有盡有,其中一套以透紗打造、上身恍如比堅尼Top的復古婚紗,玲瓏曲線若隱若現,網民大讚她舉手投足甚有名模風範,又追問:「新郎去哪兒?」

寶兒接受本報訪問時表示,拍攝當日在船上困了近10小時:「中午已經出海,因為個光唔算太靚,要等到下晝3、4點先影,尤其黃昏嘅光最靚。因為太熱,好多工作人員唔舒服要休息,覺得有啲暈。雖然因為疫情,好難去旅行或其他地方影相,但今次出嚟效果幾好,好似喺外國咁。」問到心儀的婚紗款式,她說:「如果要揀真係太難,因為我喜歡Fashion啲,之前拍嘢着過唔同款,但結婚只可以一個Look,我諗我會因為選擇唔到而不斷試。」

同樣網晒索相的還有陳自瑤,她公開一輯「終極水着」,身穿黑色三點式在海灘擺出誘人甫士,又濕身玩「浮波」,她希望藉此答謝支持劇集《那些我愛過的人》的觀眾:「再性感嗰啲相,本來諗住自己珍藏,但見今次冇得食慶功飯,又冇得多謝大家,所以當呢輯珍藏部分係禮物送畀大家。」老公王浩信亦有畀Like。

張寶兒
張寶兒
陳自瑤分享珍藏的水着照代替慶功,夠晒破格!
陳自瑤分享珍藏的水着照代替慶功,夠晒破格!
陳自瑤
陳自瑤