SmarTone 推 5G Bonus Pass，出 S20 系列升級 5G Plan 送 300GB 5G 數據

文章來源：Qooah.com

香港嘅 5G 頻譜即將於 4 月 1 日起正式生效，現時各電訊商都已經陸續推出 5G 計劃。其中 SmarTone 今日就宣佈推出 Galaxy S20 系列手機上台 Plan，當中就包含咗無縫升級 5G 保證，日後待所有新 5G 計劃正式落實之後就可以享有升級保證。

首先，我地睇睇今次 SmarTone 為 Samsung 新一代旗艦型號 Galaxy S20 系列嘅上台優惠。如果係 4.5G 全速個人計劃主要分咗兩個 Plan：$298 及 $438。兩個計劃都享有雙倍本地數據，分別係 6GB + 6GB 及 10GB + 10GB。同時，亦都可以自選額外數據。$298 Plan 可以揀 4GB 本地數據 或者 2.5GB 大灣區數據 (中國內地及澳門)；而 $438 Plan 則是 7GB 本地數據 或者 4.5GB 大灣區數據 (中國內地及澳門)。

簡單睇，即係話如果你係揀額外本地數據的話，$438 Plan 總數據就係：10GB + 10GB + 7GB = 27GB。

兩個 Plan 同樣可以揀 24 或 36 個月合約，分別在於手機及配件優惠銀碼不同。而且，如果數據唔夠用亦都可以每月另加 $58 升級至無限。另外，上台出 Galaxy S20 系列將會獲得一系列額外優惠。

詳細如下表：

除咗 4.5G 全速個人計劃外，SmarTone 同時推出全家享計劃，月費分別有：$318、$458、$588、$858。其中 $588 及 $858 都有送雙倍本地數據。另外，購買 Samsung Galaxy S20 Ultra 256GB 機價更可低至港幣 $5,498。

詳細如下表：

送 5G Bonus Pass

正如上文提到，由於 5G 推出在即，所以選擇現時上台買新機的話，無理由唔用埋 5G Plan。所以今次 SmarTone 就為大家準備咗「5G Bonus Pass」，此 Pass 同時適用於個人或全家享計劃。即係話日後等 5G Plan 正式生效，現有 Plan 嘅用戶就可以享無縫升級 5G 保證，而且升級至指定 5G 計劃時更享有額外 300GB 5G 本地數據。

有關 5G 服務計劃詳情及推出日期有待日後公佈，大家可瀏覽smartone.com/tc以了解最新消息。

為您推薦更多相關文章：

參加簡單活動即賺：6 個月 5G 月費及 Galaxy S20+！

SmarTone 5G 實地體驗測試，Ericsson 基站速度又快又穩定！

◤三星粉絲買起來吧◢
👉Samsung Galaxy S20 4/12前享最高2.3萬回饋
👉Samsung A70 年度熱銷爆款，限時登錄送原廠行電
👉Samsung Note10 Lite 輕旗艦新上市，無線藍牙重低音耳罩式耳機
👉限量優惠，想買趁現在！Samsung Galaxy Buds+挑戰流行時尚先驅