Yahoo奇摩新聞 
csl. 宣佈地鐵六條線有5G覆蓋，年底將打通所有線！
文章來源：Qooah.com
香港嘅 5G 服務正式推出至今已經有半年，地面覆蓋方面雖然仍未達 100%，但已經相當高。接下來的挑戰當然就是每日乘客量最多嘅各條地鐵沿線，因為如果地鐵無得上網對大家影響係極之巨大。今日 csl. 宣佈將於 10 月中起將 5G 覆蓋伸延至逾 50 個主要地鐵站點。
香港電訊今日發出新聞稿宣佈，乘客將於 10 月中起可在六條主要港鐵綫體驗極速的 5G 服務。該六條港鐵綫包括港島綫（中環至太古）、荃灣綫（中環至葵興）、觀塘綫（黃埔至油塘）、將軍澳綫（北角至油塘）、東鐵綫（旺角東至羅湖）及屯馬綫（啟德至大圍）。
今起，乘客在搭乘六條主要港鐵綫時，就可以喺大堂、月台及車廂內，享用到 5G 服務。香港電訊表示，已在這些港鐵站部署專屬頻譜及設備提供 5G 服務，同時亦提到不會影響現時 4G 服務。
最後該司計劃於 2020 年底前逐步伸延其 5G 網絡覆蓋至所有港鐵綫，包括西鐵綫、東涌綫、機場快綫、南港島綫、迪士尼綫及高鐵。
不過講到底，相信大家最關心嘅都係速度係點？收得好唔好？係咪好過 4G 呢？就等我地日後再同大家測試一下！
為您推薦更多相關文章：
村屋唐樓救星：SmarTone 5G Wi-Fi 6 Router 測試！
