Yahoo奇摩新聞 
全港首個 5G 商場落成？即睇現場 5G 速度實測係幾多！
文章來源：Qooah.com
5G 今年年中即將會正式投入服務，現時香港幾間電訊商已經密密舖設發射站，其中商場可謂係必爭之地。3HK 今日宣佈喺長實旗下，位於荃灣西嘅海之戀 OP Mall 打造全港首個 5G 商場，現時部份局域已經裝好發射站，今日我地亦來到現場進行測試。
3HK 表示，現時於海之戀 OP Mall 商場內嘅 5G 網絡基礎建設已經進入最後階段，待稍後 5G 服務開展時就可以同步推出。
今日商場及 3HK 聯合記招示範咗 5G 體驗，我地亦都現場做咗 5G 速度測試。記招現場展示咗現時市面上多款 5G 手機，包括 Samsung、vivo、oppo、華為、小米等品牌。經過現場即時速度測試，發現速度普遍平均可以達到 450Mbps 或以上，最高速甚至去到接近 700Mbps。
▲ 現場測試所見，數部 5G 手機同步測試速度平均都超過 400Mbps
▲ 單獨測試可達 560Mbps
▲ 以另一個程式測試，最高試過接近 700Mbps
香港通訊辦上年已經拍賣咗各頻段 5G 頻譜，現時四大電訊商均有投得不同段數。按照時間表，今年 4 月 1 日起就可以正式投入服務。不過，現時各電訊商仍在努力舖設發射站以及測試中，相信要到年中先可以陸續投入服務。
至於大家最關心嘅上台服務計劃方面，3HK 上個月中就有預告過，參考返現時韓國及中國內地嘅收費模式同定價，預計今年的 5G 月費入門數據量都會定於 100GB 起步，月費會定於港幣 3xx 至 4xx 元之間。
為您推薦更多相關文章：
原價回收 Galaxy Note10 / 10+ 升級三星 5G 新機，四電訊商優惠逐間睇！
