容祖兒40歲生日 阿嬌出山笑晒口孖阿Sa到賀

粉絲等到喇!
粉絲等到喇!

5月初爆出離婚後嘅鍾欣潼(阿嬌)一直深居簡出,喺5月20日曾上載一段片露面,但原來都只係舊片,直到5月尾先被東網影到離開灣仔嘅英皇公司,社交網都未有更新。不過老友容祖兒今日40歲生日,阿嬌就難得出山同阿Sa(蔡卓妍)為祖兒慶祝,「龍虎豹」終於合體!

永遠嘅三姊妹~
永遠嘅三姊妹~

經理人霍汶希(Mani)喺社交網上載「龍虎豹」合照,留言:「容祖祖,老母祝你生日快樂,希望你中意呢個Surprise,我哋全部都好愛你♥️ #老母愛你」唔少網民都祝佢生日快樂,而着上深色衫嘅阿嬌明顯瘦咗唔少,但面色唔錯,大家都好開心終於見到佢哋一齊出現!

霍汶希社交網
霍汶希社交網

而阿Sa都好有心思,佢因為祖兒幾個月前畫嘅一堆公仔,而搵人實體化整咗個蛋糕送畀壽星女,搞到祖兒都冧到笑言:「蔡卓妍係傻㗎!咁都畀佢諗到呢一個蛋糕!話說我只係有一晚懶得意同佢分享我畫嘅動物,幾個月後連我都唔記得咗有呢一幕,佢竟然將佢哋一隻隻變成立體,仲加多個有底裙嘅pretty sexy,依家佢哋好似扭蛋公仔咁得意嘅動物,喺我面前出現,好開心好開心,邊有咁有心思嘅人㗎!」而阿Sa就好客氣咁話:「係因為你畫嘅畫令人一見難忘啫!」

祖兒嘅畫作!
祖兒嘅畫作!
仲係幾個月前畫嘅!
仲係幾個月前畫嘅!
阿Sa咁都記得!
阿Sa咁都記得!
祖兒社交網
祖兒社交網